MummiOnline

Mumminn er enn á lífi…

Temp User — Sun, 27 Jul 2008 20:33:01 +0000

Já gott fólk – ekkert að óttast – ég er enn á lífi og hef svona aðallega verið að hvílast og njóta lífsins núna í sumar eftir MJÖG annasaman vetur. Benetton verkefnið margumrædda er enn í vinnslu og núna í vor kom Benjamin Asriel bekkjarfélagi minn frá New York hingað til Íslands til þess að filma seinni hluta myndar sem ég byrjaði að filma í New York í fyrra sumar. Hún ber titilinn “Finding Home” og við sjáum til hvort það verði endanlegur titill á myndinni eða ekki…
Ég hef nú ekkert verið neitt sérstaklega duglegur að skrifa hérna enda einhvern veginn alveg blindur á það hvort einhver les þetta yfir höfuð eður ei. -Fólk má alveg láta í sér heyra í gestabókinni ef þið rekist hingað inn… svona svo maður sjái hvort það sé einhver virkni hérna…
Bestu kveðjur
Mummi

Gleðileg Jól – Merry Christmas

Temp User — Sun, 23 Dec 2007 10:32:39 +0000

Vorútgáfa Benetton verkefnisins

Temp User — Sun, 06 May 2007 00:48:20 +0000

Jæja – þá er loksins komið að því að filma fjórða og síðasta hluta Benetton Verkefnisins sem ég byrjaði að vinna að fyrir um ári síðan. Vorið er sem fyrr sagði fjórði hlutinn en áður er ég búinn að mynda dansarana mína á þremur stöðum í þremur árstíðum hérna í New York. Afraksturinn ætti svo að birtast í endanlegri mynd hérna fyrr en síðar og aldrei að vita nema maður reyni að koma þessu á einhverjar hátíðir hingað og þangað um heiminn…
Fleiri hugmyndir eru að gerjast í kollinum á mér og vonandi að ég nái að hrinda þeim í framkvæmd fyrr en síðar.

Benetton Vetrartaka

Temp User — Tue, 27 Feb 2007 04:41:57 +0000

Í kvöld filmaði ég 3ja hluta af Benetton verkefninu mínu loksins. Þetta er vetrarhlutinn af myndinni og filmaði ég á Columbus Circle sem er við suðvesturhorn Central Park. Dansararnir mínír stóðu sig af stakri prýði og kom þetta allt rosalega vel út. Ég er búinn að vera að bíða eftir snjó núna lengi – og svo þurfti náttúrulega að samhæfa plön allra dansaranna líka. Kyle lærði frasa fyrr í dag sem ég kenndi honum og næst í röðinni var Na Ye, þá Ben og loks Valerie. Þá er eftir að filma síðasta hlutann sem verður núna í vor og þá verður hringnum lokað. Ég er enn að vinna í fyrstu þremur köflunum og munu þeir birtast hér á síðunni þegar þeir eru tilbúnir.

Gleðileg Jól

Temp User — Sun, 24 Dec 2006 17:32:26 +0000

Óska öllum nær og fjær árs og friðar og farsæls komandi árs vonandi mun nýja árið færa okkur öllum nýja sigra

Bestu kveðjur,
Mummi

iðnaðarmennirnir að leggja lokahönd á verkið

Temp User — Wed, 20 Dec 2006 15:29:25 +0000

jæja – nú má alveg fara að búast við því að fólk detti hérna inná síðuna næstu daga þannig að það er best að spýta í lófana og fara að klára þetta dæmi allt saman. Við Jóhannes erum að leggja lokahönd á verkið, fínpússa hina ýmsu hluti hérna varðandi útlit og tæknilega hlið síðunnar. Ég segi bara fyrirfram “AFSAKIÐ HLÉ” eins og á RÚV í gamla daga ef eitthvað er ekki að virka eins og það á að gera…
Endilega skrifið í gestabók eða skellið inn kommentum ef þið sjáið eitthvað sem ekki skilst eða er rangt osfrv.

+/- í Kastljósi

Temp User — Fri, 01 Dec 2006 20:30:48 +0000

Í dag 1.desember var stuttmyndin Plús/mínus, sem ég leik í sýnd í Kastljósinu á RÚV.

Myndinni leikstýrði Erla B. Skúladóttir sem er kvikmyndaleikstjóri í New York og ásamt mér leikur í henni Ingunn Erla Eiríksdóttir. Kvikmyndatökumaður var Brian Rigney Hubbard en hann og Erla voru bekkjarsystkini við kvikmyndadeildina hérna við NYU -Tisch School of the Arts.

Myndin er hluti af 40 mynda röð sem Félag kvikmyndagerðarmanna stendur fyrir í tilefni fjörutíu ára afmæli félagsins. Þeim fannst meira virði að verja peningum í þessar myndir heldur en einhver veisluhöld sem kannski ekki myndu skilja mikið eftir sig. Alltaf mikilsvert þegar menn leggja fé í listsköpun finnst mér. Það má horfa á myndina á vef Ríkisútvarpsins HÉRNA næstu tvær vikurnar eða svo.

Dagur að kveldi kominn

Temp User — Thu, 30 Nov 2006 02:39:39 +0000

Þessi póstur er skrifaður þegar ég er búinn að eyða lunganum úr deginum í að læra á WP forritið og sjá hvernig þetta allt saman virkar – mig langar til þess að halda í ákveðin element úr gömlu síðunni minni án þess að fórna með öllu þessari nýju uppsetningu og skemmtilegheitum.

Fyrsti póstur á nýrri síðu

Temp User — Wed, 29 Nov 2006 18:34:13 +0000

spurning hvar þetta fer allt saman – maður kannski orðinn svolítið langþreyttur á þessari heimasíðuvitleysu sem ekkert gengur með

Benetton – haust

Temp User — Wed, 25 Oct 2006 15:33:36 +0000

Í gær filmaði ég annan hlutann af “Benetton project” og gekk rosa vel. Við filmuðum í haustlitunum í Central Park með skýjakljúfana í baksýn. Dansararnir mínir stóðu sig rosalega vel voru mjög einbeittir og leystu sitt af hendi alveg ofsalega vel. Nú tekur við eftirvinnsla á þessari mynd og eins þarf ég að ljúka við þá fyrri, hljóðvinnsla og annað sem allt tekur nú sinn tíma.
Næst stendur til að filma að vetrarlagi og svo aftur þegar fer að vora. Þannig ljúkum við hringnum og höfum filmað þetta concept okkar í öllum árstíðunum 4. Fylgist með framhaldinu hérna á síðunni.